শ্রীশ্রীগুরু-গৌরাঙ্গ-প্রণতি-স্তুতিঃ

শ্রীগুরু-গৌর-গান্ধর্ব্বা-গোবিন্দাঙ্ঘ্রীন গণৈঃ সহ ।
বন্দে প্রসাদতো যেষাং সর্ব্বারম্ভাঃ শুভঙ্করাঃ ॥

শ্রীস্বরুপ-রায়-রূপ-জীব-ভাব-সম্ভরং
বর্ণধর্ম-নির্বিশেষ সর্ব্বলোকনিস্তরম্ ।
শ্রীসরস্বতীপ্রিয়ঞ্চ ভক্তিসুন্দরাশ্রয়ং
শ্রীধরং নমামি ভক্তিরক্ষকং জগদ্গুরুম্ ॥

গৌরবাগ্বিগ্রহং বন্দে গৌরাঙ্গং গৌরবৈভবং ।
গৌরসংকীর্ত্তনোন্মত্তং গৌরকারুণ্য-সুন্দরম ॥

গুরুরূপহরিং গৌরং রাধারুচিরুচাবৃতম ।
নিত্যং নৌমি নবদ্বীপে নামকীর্ত্তননর্ত্তনৈ ॥

বন্দে শ্রীকৃষ্ণচৈতন্যনিত্যানন্দৌ সহোদিতৌ ।
গৌড়োদয়ে পুষ্পবন্তৌ চিত্রৌ সন্দৌ তমনুদৌ ॥

অনর্পিতচরীং চিরাৎ করুণয়াবতীর্ণঃ কলৌ
সমর্পয়িতুমুন্নতোজ্জ্বল-রসাং স্বভক্তিশ্রিয়ম্ ।
হরিঃ পুরটসুন্দরদ্যুতি-কদম্ব সন্দীপিতঃ
সদা হৃদয়-কন্দরে স্ফুরতু বঃ শচীনন্দনঃ ॥

সংসারসিন্ধুতরণে হৃদয়ং যদি স্যাৎ
সঙ্কীর্ত্তনামৃতরসে রমনে মনশ্চেৎ ।
প্রেমাম্বুধৌ বিহরণে যদি চিত্তবৃত্তিশ্
চৈতন্যচন্দ্রচরণে শরনং প্রযাতু ॥